Main bata nahi sakta hai ki PadhoBadho mein aapka sabhi ka swaagat karte huye mujhe kitni khushi aur garv mehsoos ho raha hai. Isse pehle ki main PadhoBadho ke baare mein baat karu, mera mann hai ki thoda-sa apne baare mein bataau. Mera naam Rajdeep Singh hai aur main PadhoBadho ka founder hoon. Maine Laxman Public School se 10th ki padhaai ki, aur uske baad mera parivaar Dubai rehne chala gaya.

Main duniya ki Nazaro mein hamesha se ek bura student raha. Aisi koi Parent Teacher Meetings nahi rahi, jo mere Mummy-Papa ke liye achchi rahi ho. Jiski wajah yahi thi ki main ek bura student tha. main padhaai main bilkul achcha nahi tha. Haalanki, har teacher ka kehna tha ki samajhdaar hoon, par padhai pe dhyaan nahi deta. dikkat ye thi ki school mujhe formule rataane mein laga rehta tha, joki asal zindagi mein shayad hi kaam aane waale the. Aur jab main Management ki padhayi karne Manchester gaya, wahan bhi yahi haal tha. Wahan bhi theory rataai jaati thi, jo ye faisla karti thi ki aap kitne honahaar hain. Inhin sab wajaho se ek aisi haanikarak pritispardha janm leti hai, jo students ko khudkhushi karne pe majboor karti hai. Aur yahi wajah se hai ki India mein 15-29 aayu warg waale yuvayon mein khudkhushi ki dar duniya mein sabse zyaada hai.

Ab kyonki aap PadhoBadho parivaar ka hissa hai, mujhse vaada karein ki aap apni kaabiliyat ko apne marks se tayy nahi karenge. Kyonki PadhoBadho lakshya hai aapko ucch-stariya shiksha dena, phir aap Delhi jaise bade shehar mein rehte ho, ya kisi gaanv-kasbe mein. Humara lakshya hai ki sabko aisi training mile, jahan schooli shiksha aur hunar pe barabar zor diya jaata ho. Taaki aapka charon taraf se vikas ho, aap har chunauti ka datkar samana karo aur saksham bano.