Kehte hain ki aawshyakta hi kisi aavishkaar ko janm deti hai. Aisi hi ek aawshyakta ki wajah se PadhoBadho ne janm liya hai. Humein pata hai ki India mein aise bahut se start up aur shiksha sansthan hain, jo yaa toh shiksha pe dhyaan dete hain, ya sirf hunar pe. Aise mein zaroori ho jaata hai ki koi aisa platform bane, jahan shiksha aur hunar pe barabar zor diya jaata ho.
Isi baat ko dhyaan mein rakhte huye PadhoBadho ki shuruaat humne ki. Kyonki sachchai ye hai ki 15 saal ki padhayi ke baad bhi humaare 51.1% yuva naukari ke liye taiyaar nahi hain. Jiska kaaran hai, unka padhayi aur hunar se judi shiksha ke beech ek lamba fark hona.
Aisi sthiti mein humara seedha-saada lakshya ye hai ki India ke har kasbe aur gaanv (Tier 2 aur Tier 3) ke vidhyarthiyon aur yuvayon ko shiksha aur hunar se jod ke Saksham banana.
Phir uske liye chahe sheharon jaisi ucch-stariya shiksha yuvayon ke liye ekdam muft ublabdh karana ho. Yaa phir aise dilchasp videos, animation aur motion graphics banana jisse yuvayon mein seekhne aur padhne ki chah viksit ho. Itna hi nahi, yuvayo ko har woh vyawharik hunar seekhaana jo unhein school mein seekhne ko nahi milta.
Isliye humara vishwas hai ki schooli shiksha aur hunar se judi shiksha ke beech gehra taalmel ho. Taaki aaj ke vidhyarti aur yuva na sirf 21vi sadi ke saath kandhe se kandha mila kar chale, balki kaamyabi bhi haasil karein.
Jismein PadhoBadho.com har kadam pe aapki madad karta hai.
