Humara lakshya hai ki shiksha aur hunar har ek tak pahunche. Har gaanv, har kasbey, har gali tak pahunche. Humara lakshya hai ki aap sirf itihaas hi nahi, apna bhavishyaa bhi banayein. Humara lakshya hai ki aap 21vi sadi ke saath kandhe se kandha aur aankho se aankhein mila kar chalein. Humara lakshya hai ki aap shiksha aur hunar ki aisi lau(लौ) jalayein, jisse aapko har raasta, har manzil saaf-saaf dikhayi de. Aapke andar aisa hausla paida ho, jo musibat ki har deewar ko gira de. Humara lakshya ye bhi hai.
Humara lakshya hai ki aap shiksha aur hunar ko aisa saathi banayein, jo aapka har mushkil aur kathinayi mein saath de. Humara lakahya hai ki aap apne pairon pe khade ho, aur itne bade ho ki, aapke liye aasmaan bhi chhota pad jaaye. Humara lakshya hai ki aap woh sab sochein, jo aajtak socha nahi gaya.
Humara apne in lakshyon pe yaqeen kyon na ho. Humne India mein pehli baar education aur technology ko milakar aisi mazboot neev banayi hai, jahan shiksha aur hunar pe barabar zor diya jaata hai. Taaki aap zindagi ke har imtihaan ka dattkar saamna karo, aur padho badho. saksham bano.
Scholastic Education
Life Skills
Casual Learning/Book Summaries.
Yahan milegi kisi bhi bade shehar ke muqabale behtar ucch-stariya shiksha.
Yahan class 6th, 7th aur 8th tak CBSE board shiksha free di jaati hai.
Yahan Maths aur Science jaise mushkil vishayon ki padhai ab Hinglish mein.
Yahan marks se zyaada hunar pe zor diya jaata hai.
Rozgaar ki sambhanayon se joda jaata hai taaki aap kal ke liye taiyyar rahein.
Maatr 499 rupye mein online aur physical class dwara training di jaati hai.
Stress management sikhaya jaata hai.
Digital marketing ka gyaan le.